მარტი 548
en

თბილისის საარქივო ფილმების საერთაშორისო ფესტივალი 2024

საქართველოს იუსტიციის სამინისტროს ეროვნული არქივი აცხადებს განაცხადების მიღებას თბილისის საარქივო ფილმების მესამე საერთაშორისო ფესტივალში მონაწილეობის მისაღებად

 

საქართველოს ეროვნული არქივის ორგანიზებით 2024 წლის 17-20 სექტემბერს გაიმართება თბილისის საარქივო ფილმების მესამე  საერთაშორისო ფესტივალი.

ფესტივალი ჩატარდება საქართველოს ეროვნული არქივის კინოდარბაზში (მისამართი: ვაჟა-ფშაველას გამზირი 1, თბილისი, საქართველოს 0160).

2024 წლის ფესტივალის თემა –  „კინო – ისტორიის მემატიანე“

ფესტივალზე საჩვენებლად შესაძლებელია წარდგენილი იყოს საქართველოსა და უცხო ქვეყნების საარქივო,  სამუზეუმო, საბიბლიოთეკო თუ სხვა დაწესებულებებში დაცული კინოდოკუმენტები, რომლებიც ამა თუ იმ ისტორიულ მოვლენას ასახავს  – ერთი ფილმი ან ფილმების პროგრამა (დოკუმენტური, მხატვრული, ანიმაცია, კინოჟურნალი, კინოსიუჟეტი და სხვა).

მაქსიმალური ქრონომეტრაჟია 1 საათი. ფესტივალში მონაწილე ორგანიზაციებს შესაძლებლობა ექნებათ ჩვენებამდე გამართონ პრეზენტაციები (მაქსიმუმ 15 წუთი).

2024 წლის კინოფესტივალის სიახლე იქნება პანელდისკუსიის სექცია, რომელიც კინოინსტიტუციების წარმომადგენლებს საშუალებას მისცემს, ერთმანეთს გაუზიარონ გამოცდილება, შეხედულებები და პერსპექტივები კინოარქივების მნიშვნელობისა და სფეროში არსებული გამოწვევების შესახებ.

პანელდისკუსიის თემები:

·         კინოდოკუმენტების დაცვა და გამოწვევები

·         კინოდოკუმენტების დიგიტალიზაცია  და თანამედროვე მიდგომები

·         კინოს რესტავრაცია

·         კულტურული მემკვიდრეობა, ეროვნული იდენტობა და სოციალური კონტექსტი

·         საავტორო უფლებები და მათი მფლობელები

·         თანამშრომლობა და პარტნიორობა კინოარქივებს შორის

·         მომავლის ტენდენციები

თბილისის საარქივო ფილმების საერთაშორისო ფესტივალში მონაწილეობის მსურველებმა შევსებული განაცხადის ფორმა და მასალა (რაც მოთხოვნილია განაცხადის ფორმაში) უნდა გამოაგზავნონ ელექტრონული ფოსტის მისამართზე: TIAFF@archives.gov.ge ან მატერიალური ფორმით (HDD, BlyRay, Flash Drive) მისამართზე: საქართველოს ეროვნული არქივი, ვაჟა-ფშაველას გამზირი 1, თბილისი, საქართველო 0160.

განაცხადისა და მასალის გამოგზავნის ბოლო ვადა - 2024 წლის 25 ივნისი.

დამატებითი ინფორმაციისთვის მოგვწერეთ ფესტივალის ელექტრონული ფოსტის მისამართზე TIAFF@archives.gov.ge ან დარეკეთ ნომრებზე:

(+995) 577 340576 გიორგი კაკაბაძე – ეროვნული არქივის კინოფოტოფონოდოკუმენტების ცენტრალური არქივის დირექტორი;

(+995) 577 340570 სოფიო ჯობავა – საზოგადოებასა და საერთაშორისო ორგანიზაციებთან ურთიერთობის განყოფილების უფროსი.