ივლისი 548
en

თბილისის საარქივო ფილმების საერთაშორისო ფესტივალი

 

საქართველოს იუსტიციის სამინისტროს ეროვნული არქივი აცხადებს განაცხადების მიღებას თბილისის საარქივო ფილმების საერთაშორისო ფესტივალში მონაწილეობის მისაღებად

 

საქართველოს ეროვნული არქივის ორგანიზებით 2022 წლის 5-9 ოქტომბერს პირველად გაიმართება თბილისის საარქივო ფილმების საერთაშორისო ფესტივალი.

ფესტივალი ჩატარდება საქართველოს ეროვნული არქივის კინოდარბაზში (მისამართი: ვაჟა-ფშაველას გამზირი 1, თბილისი, საქართველოს 0160).

 

2022 წლის ფესტივალის თემაპირველი საარქივო ფილმები.

 

შესაბამისად, ფესტივალზე საჩვენებლად შესაძლებელია წარდგენილი იყოს საქართველოსა და უცხო ქვეყნების საარქივო, სამუზეუმო, საბიბლიოთეკო თუ სხვა დაწესებულებებში დაცული ყველაზე ძველი კინოდოკუმენტი – ერთი ფილმი ან ფილმების პროგრამა (დოკუმენტური, მხატვრული, ანიმაცია, კინოჟურნალი, კინოსიუჟეტი და სხვა).

მაქსიმალური ქრონომეტრაჟი საათი.

ფესტივალში მონაწილე ორგანიზაციებს შესაძლებლობა ექნებათ გამართონ პრეზენტაციები (მაქსიმუმ 15 წუთი).

ფესტივალის თემატიკა ყოველწლიურად შეიცვლება.

 

თბილისის საარქივო ფილმების საერთაშორისო ფესტივალში მონაწილეობის მსურველებმა შევსებული განაცხადის ფორმა და მასალა (რაც მოთხოვნილია განაცხადის ფორმაში) უნდა გამოაგზავნონ ელექტრონული ფოსტის მისამართზეTIAFF@archives.gov.ge ან მატერიალური ფორმით (HDD/BlyRay/Flash Drive) მისამართზე: საქართველოს ეროვნული არქივი, ვაჟა-ფშაველას გამზირი 1, თბილისისაქართველო 0160.

განაცხადისა და მასალის გამოგზავნის ბოლო ვადა - 2022 წლის 1 ივლისი.

 

დამატებითი ინფორმაციისთვის მოგვწერეთ ფესტივალის ელექტრონული ფოსტის მისამართზე TIAFF@archives.gov.ge ან დარეკეთ ნომრებზე:

(+995) 577 340576 გიორგი კაკაბაძე – ეროვნული არქივის კინოფოტოფონოდოკუმენტების ცენტრალური არქივის დირექტორი;

(+995) 577 340570 სოფიო ჯობავა – საზოგადოებასა და საერთაშორისო ორგანიზაციებთან ურთიერთობის განყოფილების უფროსი.

 

სარეგისტრაციო ფორმის გადმოწერა: