ვასილ კარბელაშვილის შედგენილი „ქართლ-კახური გალობა“ „კარბელაანთ კილოთი“ 1897 წელს დაიბეჭდა.
„ქართლ-კახური გალობა არის ის წყნარი, აუჩქარებელი, დინჯი, შეუდრეკელი, მდორი, გულ-ჩათხრობილი, გულ-მხურვალებით აღსავსე გრძნობა-ვედრება უზენაესადმი, რომელიც ჰხატავს ერის მაღალზნეობითს აღსავსე სულიერს სიმდიდრეს, - რომელმაც ათას ხუთას ოთხმოც წელიწადში გამოატანინა თავი ქართველობას და არადროს არ აგმევინა მას სჯული ქრისტესი“, - წერს ავტორი წიგნის შესავალში.
აქვე ვასილ კარბელაშვილი აღწერს იმ შრომას, რაც ქართლ-კახური გალობის ნიმუშების შეგროვება-ჩაწერისათვის იყო გაწეული, საუბრობს ქართული გალობის ისტორიასა და განვითარებაზე.