L'Illustration Journal Universel - საქართველოს ეროვნული არქივი

ფრანგული ჟურნალი L'Illustration Journal Universel 1843 წლიდან გამოიცემოდა.

ამ გამოცემაში XIX საუკუნის საქართველოს შესახებ ათეულობით ილუსტრაცია დაიბეჭდა. პირველ ეტაპზე ჟურნალი ჩვენი ქვეყნის შესახებ სტატიებს გრიგორი გაგარინის ნახატების მიხედვით შექმნილი ილუსტრაციებით აფორმებდა, მოგვიანებით ევროპულ პოპულარულ გამოცემაში სხვა ავტორების ნამუშევრებიც გამოჩნდა.

L'Illustration Journal Universel საქართველოს ეროვნული არქივის სამეცნიერო-საცნობარო ბიბლიოთეკაშია დაცულ. ჟურნალის სხვადასხვა ნომერში ჩვენი ქვეყნის შესახებ დაბეჭდილ ილუსტრაციების ამ გვერდზე კოლექციის სახით გთავაზობთ.

მარცხნივ: სამეგრელოს ქრისტიანი თავადი

მარჯვნივ: იმერეთის ქრისტიანი თავადი.

გრიგორი გაგარინის ნახატის მიხედვით.

1845 წლის 4 ოქტომბერი, L'Illustration Journal Universel.

კავკასიელის ტიპები. მარცხნიდან: ჩერქეზი, მეგრელი, ნოღაელი თათარი, ქართველი, სომეხი, ქურთი, შირვანელი თათარი, ბაქოელი ინდოელი, ლეზგი, კაზაკი.

გრიგორი გაგარინის ნახატის მიხედვით.

1845 წლის 20 დეკემბერი, L'Illustration Journal Universel.

მონადირეთა ბანაკი სამეგრელოში.

გრიგორი გაგარინის ნახატის მიხედვით.

1845 წლის 20 დეკემბერი, L'Illustration Journal Universel.

თბილისი, საქართველოს დედაქალაქი

1849 წლის 28 ივლისი, L'Illustration Journal Universel.

ქალაქი ახალციხე

1849 წლის 25 აგვისტო, L'Illustration Journal Universel.

ბაღი თბილისის შემოგარენში.

გრიგორი გაგარინის ნახატის მიხედვით.

1849 წლის 22 სექტემბერი, L'Illustration Journal Universel.

თბილისში ოპერის თეატრი გაიხსნის საზეიმო ღონისძიება.
1851 წლის 25 ოქტომბერი. ილუსტრაციები ახლავს ფრანგი დიპლომატის, ედმონდ დე ბარერეს სტატიას ოპერის თეატრის გახსნასთან დაკავშირებით.
თეატრი, რომელიც 1851 წლის 12 აპრილს გაიხსნა, 700 მაყურებელს იტევდა, მდებარეობდა თბილისში, დღევანდელი თავისუფლების მოედანზე. შენობა იტალიელმა არქიტექტორმა ჯოვანი სკუდიერიმ დააპროექტა, ინტერიერი კი მხატვარმა გრიგორი გაგარინმა გააფორმა. შენობა 1874 წლის 11 ოქტომბერს ხანძარმა გაანადგურა.
1851 წლის 25 ოქტომბერი,  L'Illustration Journal Universel. 