საქართველოს იუსტიციის სამინისტროს ეროვნულმა არქივმა ფოტოგრაფ ნიკოლოზ საღარაძის კოლექციის ნაწილის ელექტრონული ვერსია ონლაინსივრცეში გამოაქვეყნა.

ფოტოებს შორისაა საქართველოში მოღვაწე მწერლების, მსახიობების, რეჟისორებისა და სხვა ცნობილი ადამიანების სურათები; ამასთან, კოლექციის გამორჩეული ნაწილია ალექსანდრე მიხაილოვისა და მელქონ კახუჩაშვილის ქუთაისური ფოტოატელიეს საჩვენებელი ალბომები, რომელმაც დასავლეთ საქართველოს მოსახლეობის უნიკალური ფოტოები შემოინახა.

ფოტოები 1880-1917 წლებშია გადაღებული.

ნიკოლოზ საღარაძემ ფოტოატელიეს ათწლეულობის განმავლობაში შექმნილი ფოტოარქივი - 150-მდე მინის ნეგატივი და 15 ფოტოალბომი - 1947 წელს არქივს საჩუქრად პირადად გადასცა.

კოლექცია ხელმისაწვდომია ბმულზე: https://archive.gov.ge/ge/nikoloz-sagharadzis-fotokolektsia-1.