საქართველოს დამოუკიდებლობის გამოცხადებიდან 105 წლის იუბილეს გამოფენა მიეძღვნა. საქართველოს იუსტიციის სამინისტროს ეროვნული არქივის საგამოფენო პავილიონში ექსპოზიცია „საქართველოს პირველი დემოკრატიული რესპუბლიკა“ დღეს გაიხსნა.

გამოფენაზე წარმოდგენილია საქართველოს ეროვნულ არქივში დაცული 1918-1921 წლების საქართველოს ისტორიის ამსახველი მრავალფეროვანი მასალა. დოკუმენტებს შორისაა როგორც პირველი რესპუბლიკის სიმბოლიკა - დამოუკიდებლობის აქტები, გერბისა და დროშის ესკიზები, ჰიმნის ნოტები - ისე 26 მაისის საზეიმო აღნიშვნის შესახებ დოკუმენტები და ქვეყნის პოლიტიკური, საზოგადოებრივი თუ კულტურული ცხოვრების ამსახველი საარქივო მასალა.

ეროვნული არქივის საგამოფენო პავილიონში ექსპოზიცია ორი თვე გაგრძელდება და მისი დათვალიერება თავისუფალია.