აგვისტო 595
en

სტოკჰოლმის ბიზნესის ისტორიის ცენტრის დელეგაცია გიორგი ვაშაძემ მიიღო

საქართველოს იუსტიციის მინისტრის მოადგილე გიორგი ვაშაძე სტოკჰოლმის ბიზნესის ისტორიის ცენტრის დელეგაციის წევრებს შეხვდა.  
მხარეებმა ისაუბრეს საქართველოს ეროვნულ არქივსა და სტოკჰოლმის ბიზნესის ისტორიის ცენტრის თანამშრომლობის სამომავლო გეგმებზე, 1870-1920 წლებში საქართველოში ძმები ნობელების მოღვაწეობის ამსახველი მასალების შესწავლასა და გამოქვეყნებაზე. 
„შევთანხმდით, რომ მომავალში საქართველოს ეროვნულ არქივსა და სტოკჰოლმის ბიზნესის ისტორიის ცენტრს შორის მემორანდუმი გაფორმდება, რაც კიდევ უფრო გააღრმავებს თანამშრომლობას“, - აღნიშნა შეხვედრის შემდეგ გიორგი ვაშაძემ. 
მე-19- მე-20 საუკუნეების მიჯნაზე საქართველოში ძმები ნობელებისა და შვედური კომპანიების მოღვაწეობის ისტორიის შესასწავლად საქართველოში ჩამოსულ შვედეთის დელეგაციას სტოკჰოლმის ბიზნესის ისტორიის ცენტრის თავმჯდომარე ალექსანდერ ჰიუსბაის ხელმძღვანელობს. დელეგაციის შემადგენლობაში არიან: ნობელის ოჯახის საზოგადოების ხელმძღვანელი თომას ტიდენი, ბიზნესის ისტორიის ცენტრის კვლევის ჯგუფის უფროსი პერ დალი, პროგრამის მენეჯერი ჰანს გუსტაფსონი და ბიზნესის ისტორიის ცენტრის არქივისტი ვადიმ აზბელი.