კონკურსში მონაწილეობის მიღება შეუძლიათ უმაღლესი განათლების მქონე ან უმაღლესი სასწავლებლის დამამთავრებელი კურსის სტუდენტებს. საკვალიფიკაციო მოთხოვნებია: სახელმწიფო ენის, ეროვნული არქივის საქმიანობასთან დაკავშირებული ნორმატიული აქტების ცოდნა და კომპიუტერთან მუშაობის უნარ-ჩვევები.
კანდიდატებმა საკონკურსო კომისიაში უნდა წარადგინონ შემდეგი საბუთები: პირადი განცხადება; განათლების დამადასტურებელი მოწმობის ასლი ან ცნობა სასწავლებლიდან; პირადობის მოწმობის ასლი; ავტობიოგრაფია; ორი ფოტოსურათი (ზომით 3X4).
საინფორმაციო ტექნოლოგიების განყოფილებაში სტაჟირების მსურველთათვის დამატებით საკვალიფიკაციო მოთხოვნაა შემდეგი კომპიუტერული პროგრამების ცოდნა: HTML; PHP; MYSQL; JavaScript, CSS.
რაც შეეხება დოკუმენტების რესტავრაციისა და მიკროფილმირების ლაბორატორიაში სტაჟირების კანდიდატს, სასურველია, კონკურსის მონაწილე იყოს სამხატვრო აკადემიის რესტავრაციის ფაკულტეტის კურსდამთავრებული.
კონკურსი ჩატარდება ორ ეტაპად - ზოგადი უნარების შემოწმება და  გასაუბრება. სტაჟირების პროგრამა 3-დან 6 თვემდე გაგრძელდება და მისი  წარმატებით გავლის შემთხვევაში სტაჟიორს გადაეცემა სერტიფიკატი.
საბუთები მიიღება 2010 წლის 15 ოქტომბრამდე, მის.: თბილისი, ვაჟა-ფშაველას გამზ. 1, საქართველოს ეროვნული არქივი, პირველი სართული, მოქალაქეთა მისაღები.
დამატებითი ინფორმაციისათვის იხილეთ ვაკანსიების გვერდზე.