სამების საკათედრო ტაძრის ახალგაზრდულ ცენტრში მართლმადიდებლობის დღესასწაულსა და საქართველოს მართლმადიდებლური ეკლესიის ავტოკეფალიის აღდგენიის დღესთან დაკავშირებით ეროვნული არქივში დაცული დოკუმენტების გამოფენა გაიხსნა. ექსპოზიცია დაათვალიერეს სრულიად საქართველოს კათოლიკოს-პარტიარქმა, უწმიდესმა და უნეტარესმა ილია II-მ და სხვა სასულიერო პირებმა, რომელთაც გამოფენის შინაარსი ეროვნული არქივის გენერალურმა დირექტორმა თეონა იაშვილმა გააცნო.
 
გამოფენაზე წარმოდგენილია: სახარება, „ანბანდიდად“ წოდებული (IX საუკუნე);  საგალობლები ძველი სანოტო ნიშნებით (IX-X საუკუნეების); „ანჩის სახარება“ (XII საუკუნე) „დავითნი“ (XII საუკუნე);   „შეწირულების  დაწერილი მელქისედეკ კათალიკოსისა  მცხეთის საყდრისადმი“ (1031-1033 წლები); „ანდერძი დავით აღმაშენებლისა შიომღვიმის მონასტრისადმი“ (1123 წელი); „ბრძანება ლაშა გიორგისა შიო მღვიმის მონასტრისადმი“ (1222 წელი); „სოფლების შეწირულების სიგელი დოროთეოს კათალიკოსისა ნიტრიის ღმრთისმშობლის მონასტრისადმი“ (1589-1595 წლები) და სხვ.
 
წერილობით დოკუმენტებთან ერთად, გამოფენა მოიცავს საეკლესიო მოხატული ხელნაწერებისა და საქართველოს მართმადიდებლური ეკლესიის ავტოკეფალიის აღდგენასთან დაკავშირებულ ფოტოებს.
 
ღონისძიება  გაგრძელდება 25 მარტს 13:00 საათზე, რაც დროსაც დაგეგმილია მოხსენებების წაკითხვა ავტოკეფალიის აღდგენის საკითხზე ეროვნულ არქივში დაცულ მასალებთან დაკავშირებით.