14 იანვარი ლადო ასათიანის დაბადების დღეა. ეროვნული არქივი პროექტ „კვირის დოკუმენტის“ ფარგლებში წარმოგიდგენთ პოეტის დაბადების ჩანაწერს ქუთაისის სასაფლაოს მთავარანგელოზის ეკლესიის მეტრიკული წიგნიდან (1917 წელი, 14 იანვარი).
ჩანაწერის მიხედვით: ახალშობილის სახელია ვლადიმერი. მშობლები - თავადი მელქისედეკ გუჯუს ძე ასათიანი და „სჯულიერი ცოლი მისი“ ლიდა ბართლომეს ასული. ნათლიები - მოქალაქე სერგო ტოტიას ძე მახარაძე და თავად ნიკოლოზ ჩიქოვანის მეუღლე, ქრისტინე კაციას ასული. მონათლა მღვდელმა გიორგი მაისურაძემ და მედავითნე პარმენ ლომიძემ.