დოკუმენტს ხელს მოაწერენ საქართველოს ეროვნული არქივის გენერალური დირექტორი თეონა იაშვილი და იტალიის არქივების გენერალური დირექტორატის ხელმძღვანელი როსანა რუმო. 
დოკუმენტი ითვალისწინებს ორი ქვეყნის ისტორიისათვის მნიშვნელოვანი დოკუმენტების, გზამკვლევებისა და ნუსხების ასლების გაცვლას, საარქივო სფეროში გამოცდილების გაზიარებას, ერთობლივი პუბლიკაციების გამოცემასა და ღონისძიებების ორგანიზებას. 
იტალიაში ვიზიტის ფარგლებში ეროვნული არქივის დელეგაცია გაეცნობა იტალიის სახელმწიფო არქივებში საქართველოს შესახებ დაცულ დოკუმენტებს.