ამავე პერიოდში დამუშავდა და შეკეთდა პირველი დემოკრატიული რესპუბლიკის ხელმძღვანელის ნოე ჟორდანიას პირადი ფონდის საქმეების 9595 ფურცელი, დამზადდა საქმეებისათვის საჭირო 383 ყდა.  
რესტავრირებულ დოკუმენტთა შორისაა: საისტორიო ცენტრალური არქივის ძველ საბუთთა განყოფილების მე-19 საუკუნის პერიოდის ხელნაწერი დოკუმენტები, რომელიც სამაჩაბლოს, კერძოდ, ცხინვალისა და მისდამი დაქვემდებარები სოფლების ისტორიას ასახავს. 
ამავე პერიოდში რესტავრაცია ჩაუტარდა ლიტერატურისა და ხელოვნების განყოფილების 1208 ფურცელს და 8 აფიშას, ასევე ცნობილი ფოტოგრაფის ნიკოლოზ საღაძის ფოტოალბომს (616 ფოტო), სადაც წარმოდგენილია მე-19-მე-20 საუკუნეების მიჯნაზე ქუთაისში, ალექსანდრე მიხაილოვის ფოტოატელიეში გადაღებული ეთნოგრაფიული ხასიათის სურათები.