გამოფენა „საქართველოს ტექნოლოგიური მემკვიდრეობა“ ათასწლეულის გამოწვევის ფონდისა და საქართველოს ეროვნული არქივის ორგანიზებით ეროვნული არქივის საგამოფენო პავილიონში 2017 წლის დეკემბერში გაიმართა.
საგამოფენო პროექტი განხორციელდა ათასწლეულის გამოწვევის ფონდისა და ათასწლეულის გამოწვევის კორპორაციის მიერ საქართველოს ეროვნულ არქივთან თანამშრომლობით.
გამოფენის მიზანი საზოგადოებისათვის XX საუკუნის საქართველოს ტექნოლოგიებისა და ინოვაციების სფეროში მიღწევების გაცნობა იყო . ექსპოზიციის დამთვალიერებელმა მიიღო ინფორმაცია საქართველოს ისტორიული ინტელექტუალური პოტენციალის, სახელმწიფოს ფორმირებისა და ქართველი მეცნიერების მიერ მსოფლიოს სამეცნიერო სივრცეში შეტანილი წვლილის შესახებ.
ექსპოზიციაზე წარმოგიდგენილი ფოტომასალა ასახავდა ინფორმაციას ქართველი მეცნიერებისა და საზოგადო მოღვაწეების შესახებ, რომელთაც მნიშვნელოვანი მიღწევები ჰქონდათ ტექნოლოგიებისა და ინოვაციების სფეროში. აქვე გამოფენილი იყო საქართველოში განხორციელებული მნიშვნელოვანი გამოგონებებისა და ტექნოლოგიური პროექტების ამსახველი უნიკალური ფოტოები.
გამოფენის კურატორი: თინათინ ბრეგვაძე.