უკან დაბრუნება
1921 წლის 24 თებერვალს ტაბახმელის  N4 სანგართან მომხდარი ბრძოლის ამსახველი რუკა. <br>
შედგენილია პოლკოვნიკ (შემდგომში პოლონეთის არმიის ბრიგადის გენერლის) ალექსანდრე ჩხეიძის მიერ. <br>

A map depicting the battle of Tabakhmela Sangar N4 on February 24, 1921. <br>

Compiled by Colonel (later General of the Polish Army Brigade) Aleksander Chkheidze. <br>

1921 წლის 24 თებერვალს ტაბახმელის N4 სანგართან მომხდარი ბრძოლის ამსახველი რუკა.
შედგენილია პოლკოვნიკ (შემდგომში პოლონეთის არმიის ბრიგადის გენერლის) ალექსანდრე ჩხეიძის მიერ.
A map depicting the battle of Tabakhmela Sangar N4 on February 24, 1921.
Compiled by Colonel (later General of the Polish Army Brigade) Aleksander Chkheidze.

2021 წლის 25 თებერვალს ბოლშევიკური რუსეთის მიერ დამოუკიდებელი საქართველოს ოკუპაციიდან 100 წელი სრულდება. ამ ტრაგიკულ თარიღს ეძღვნება საქართველოს იუსტიციის სამინისტროს ეროვნული არქივის წარმოდგენილი ონლაინგამოფენა.

ექსპოზიცია  „საქართველოს ოკუპაციის 100 წლისთავი“ მოიცავს იმ უნიკალურ საარქივო მასალას, რომელიც 100 წლის წინათ საქართველოში მომხდარ სამწუხარო მოვლენებზე საინტერესო და უტყუარ ცნობებს გვაწვდის. მათ შორისაა რუკა, რომელზეც ნაჩვენებია საქართველოში წითელი არმიის შემოჭრის მარშრუტი,  მთავრობის ხელმძღვანელთა მოწოდებები და წერილობითი დოკუმენტები, ომის მიმდინარეობის ამსახველი საგაზეთო პუბლიკაციები, ფოტოები და სხვა. საგამოფენო ექსპონატები ნათლად ასახავენ საქართველოს თავგანწირულად ბრძოლასა და 6-კვირიან საომარ მოქმედებებს თავისუფლების შენარჩუნებისთვის.  

ბოლო წლებში საქართველოს ეროვნული არქივი აქტიურად მუშაობს, რათა საქართველოს პირველი რესპუბლიკის ისტორიის ამსახველი დოკუმენტები საზოგადოებისთვის უფრო მეტად ხელმისაწვდომი გახდეს. ამისთვის არაერთი საგანმანათლებლო და სამეცნიერო პროექტი ჩატარდა, გამოიცა წიგნები, შეიქმნა ელექტრონული კატალოგი და მულტიმედია გვერდი, გაიმართა გამოფენები მატერიალურ და ციფრულ ფორმატში.  ამ მრავალფეროვანი რესურსების გაცნობა არქივის ვებგვერდზეა შესაძლებელი.

გამოფენის ექსპონატების ერთი ნაწილით შექმნილია მულტიმედიური გვერდი, დასათვალიერებლად ესტუმრეთ ბმულს: https://archive.gov.ge/ge/okupaviis-100-tseli-1  

გამოფენის კურატორი: დიმიტრი სილაქაძე.