საქართველოს პირველი რესპუბლიკის შეიარაღებული ძალები

უკან დაბრუნება

საქართველოს შეიარაღებული ძალების „გარფორდისა“ და „ოსტინის“ ფირმის ჯავშანმანქანები რუსთაველის გამზირზე, სამხედრო აღლუმზე მსვლელობისას. 1920 წელი
Georgian armed force’s - Garford and Austin branded armored cars on military parade on Rustaveli avenue. 1920

მთავრობის მეთაური ნოე ჟორდანიას და სახალხო გვარდიის მეთაური ვალიკო ჯუღელი სახალხო გვარდიის მთავარი შტაბის წევრებთან ერთად ჯავშანმანქანა N1 ,,სახალხო გვარდიელის“ ფონზე. თბილისი, 1919-1920 წელი
The Chairmen of the Geporgian government Noe Zhordania and the head of People’s Guard Valiko Jugheli accompanied by a member of the National (People’s) Guard in the background of an armoured vehicle. Tbilisi, 1919-1920

საქართველოს დემოკრატიული რესპუბლიკის შეიარაღებული ძალების მთავარსარდლები და გენერალური შტაბის უფროსები, მთავარსარდლები: 1.გიორგი კვინიტაძე (1918, 1920-1921); 2.ალექსანდრე გედევანიშვილი (1918-1919) 3.ილია ოდიშელიძე (1920-1921). გენერალური შტაბის უფროსები: 1.ალექსანდრე ანდრონიკაშვილი (1918-1919); 2.ალექსანდრე ზაქარიაძე (1919-1921)
Commander-in-chief of the armed forces of the Democratic Republic of Georgia and chiefs of the headquarters: Commander-in-Chiefs: 1.Giorgi Kvinitadze (1918, 1920-1921); 2.Aleksandre Gedevanishvili (1918-1919); 3.Ilia Odishelidze (1920-1921). Chiefs of headquarters: 1.Alexandre Andronikashvili (1918-1919); 2.Aleksandre Zakariadze (1919-1921).

სახალხო გვარდიელები. მანქანის უკანა სავარძელზე ზის ვალიკო ჯუღელი - გვარდიის მთავარი შტაბის უფროსი. ფოტო გადაღებულია გვარდიელების სოჭიდან სოხუმში გამგზავრების წინ. 1918 წელი.
People’s Guardsmen. Commander of the guard Valiko Jugheli sits on the back seat. Photo is taken before the departure of the guardsmen from Sochi to Sokhumi. 1918.

სახალხო გვარდიის ჯავშანმატარებელთა რაზმის წევრები, ჯავშანმატარებელი N1 „რესპუბლიკელის“ ფონზე. ზედა რიგში მაუზერით ხელში და ბინოკლით რაზმის მეთაური, ვლადიმერ გოგუაძე. 1918-1921 წლები
Members of the division of armored train, on the background of armored train N1 “Respublikeli”. In the upper row is commander of the division Valodia Goguadze. 1918-1921

საქართველოს ეროვნული არქივის საგამოფენო პავილიონში 18 თებერვალს გამოფენა „საქართველოს პირველი რესპუბლიკის შეიარაღებული ძალები“ გაიხსნა.

ექსპოზიციაზე წარმოდგენილია ეროვნულ არქივში ამ თემაზე დაცული მრავალფეროვანი მასალა - ფოტო, წერილობითი და კინოდოკუმენტები.

საგამოფენო ექსპონატები ასახავს შეიარაღებული ძალების ჩამოყალიბების პროცესს. დამთვალიერებელი იხილავს საბრძოლო მოქმედებებისა და წვრთნების, ასევე სამხედრო ტექნიკისა და სამხედრო პირების ფოტოებს; სამხედრო თემატიკაზე გამოცემულ გაზეთებს, ქვეითების შეიარაღების ნიმუშებს, შაშხანებს, რევოლვერებსა და ტაბახმელაში იუნკრების პოზიციებზე ნაპოვნ ვაზნებს.

გამოფენის გახსნაზე ნაჩვენები იყო ეროვნულ არქივში დაცული კინოდოკუმენტები, რომლებმაც საქართველოს პირველი რესპუბლიკის სამხედრო პირებისა და შეიარაღების ცოცხალი კადრები შემოგვინახა.

ექსპოზიციის მიზანი საქართველოს უახლესი ისტორიის ამ უმნიშვნელოვანესი პერიოდის სამხედრო ისტორიის მიმართ საზოგადოების ინტერესის გაზრდაა.

გამოფენის კურატორია დიმიტრი სილაქაძე.

ექსპოზიცია 7 მარტის ჩათვლით გაგრძელდება.

საქართველოს არმიის სამხედრო ფორმის ესკიზები. 1919 წელი
Military uniform sketches of the Georgian Army. 1919

ქართველი მებრძოლები წიფის გვირაბთან. 1918-1921 წლები
Georgian militants at Tsipa tunnel. 1918-1921