მარტი 548
en

საქართველოსა და პოლონეთის არქივებს შორის თანამშრომლობის მემორანდუმი გაფორმდა

საქართველოს იუსტიციის სამინისტროს ეროვნულ არქივსა და პოლონეთის რესპუბლიკის სახელმწიფო არქივს შორის დღეს ვარშავაში ამ უწყებების ხელმძღვანელებმა თეონა იაშვილმა და სლავომირ რადონმა ურთიერთთანამშრომლობის მემორანდუმი გააფორმეს. დოკუმენტი პროფესიული გამოცდილების გაზიარებას, საქართველოსა და პოლონეთის ისტორიის ამსახველი მასალების შესწავლას, მათი ასლების გაცვლასა და ერთობლივი ღონისძიებების ჩატარებას შეუწყობს ხელს.
ეროვნული არქივის წარმომადგენლები ვარშავაში პოლონელი კოლეგების მიწვევით იმყოფებიან და მონაწილეობენ პოლონეთის სახელმწიფო არქივის 200 წლის საიუბილეო ღონისძიებაში.აღსანიშნავია, რომ ეროვნულ არქივში დაცულია პოლონეთის ისტორიისა და კულტურის ამსახველი მნიშვნელოვანი დოკუმენტები, მათ შორის, საქართველოს კათოლიკოს-პატრიარქ კირიონ II-ის პირად ფონდში არსებული, XVI-XIX საუკუნეებით დათარიღებული, პოლონურ ენაზე შესრულებული ხელნაწერი საბუთები.